Prindese per el disnar Lombardo-Veneto
|
Edission original: |
La gloriosa epopea, MDCCCXLVIII-MDCCCXLIX, nei canti politici dei poeti contemporanei e del popolo d'Italia, a cura de Angelo Lanzerotti, Venezia, C. Ferrari, 1886 |
|
Fonte: |
| Edission e fonte ▼ |
PER EL DISNAR LOMBARDO-VENETO
In sto zorno che xe sant'Ambroso
Quel che provo qua drento nel pèto
De passion per vualtri ed afeto,
4O Lombardi no posso spiegar.
Quando penso che al vintidò Marzo
Restai liberi a nu ve se' unidi
E pò ai sinque d'Agosto tradidi...
8Dal dolor no me posso frenar.
Mo no xela biastema, eresia
Che l'Italia, sto caro zogielo,
Che sto mar, ste montagne, sto sielo
12Gabia in man dei croati a cascar?
Che, perchè vinti o trenta canagie
Se la gode e tripudia, dei miera
Gabia a perder la vita, o la tera
16Che li à visti bambini, lassar?
Che l'Italia, sta tera famosa
Che regina del mondo xe stada,
Sempre a pianzer la sia condanada
20Senza aver mai speranza de ben?...
Perchè adesso no gh'è un sant'Ambroso?...
Oh! el dirave a sti re che bombarda!
«Marcia via, bruta razza bastarda!
24Sula forca i assassini sta ben!...»
Ne xe tutti i Italiani fradeli;
Ma ai Lombardi più ben ghe volemo,
Che per trentatre ani gavemo
28A la stessa caena surlà.
Oh! che i fazza tratati, che i scriva
Armistizi sti mostri d'inferno.
Viva Dio! che fradeli in eterno
32Veneziani e Lombardi sarà.
Si; gabiemo, o Italiani, speranza
De frustar via de qua sti briconi;
Che, per Dia! vintiquatro milioni
36I pol farghela in barba al Teston.
Ma per questo ghe vol la concordia:
Compatimo, fradei, perdonemo...
Tuti quanti difeti gavemo...
40Ma à d'andar sora tuto l'union.
E qua tuti, o fradeli, giuremo
D'esser sempre concordi e costanti:
Vinseremo cussì quei briganti,
44Che n'à fato tanti ani penar.
Viva Italia, ma libera e una
Tuta soto la stessa bandiera!
Viva Italia, la classica tera
48Sircondada da le Alpi e dal mar!
- 15 Dicembre.
- Toni Pasini.
- 15 Dicembre.