Proemio
|
Edission original: |
Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
| Edission e fonte ▼ |
No ve maravegiè, sia chi se vogia,
Che no abia usà una lengua pi pontìa,
Che se Domenedìo m’à dà la mia
No vogio ch'una strania me la togia.
Sto scriver grave è un sfadigar da bogia,
Ch'ognun vel vol tassar de longo via,
Mi cussì scrivo la mia fantasìa
E, con licenza, incago a chi me sogia.
Sta nostra lengua sa d’ogni saor,
Nè mì cerco de parlar toscan
Dovendo per el più cantar d’Amor;
Me vòi dar gusto e no stentar da can,
Compono per umor no per onor,
Che no vorìa penar col mondo in man.