Quei soli che ama pol imaginarse

by Gian Giacomo Mazzolà

3 XXXI I cavei de Nina XXX XXXII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XXXI

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XXX

Edission e fonte ▼

XXXII  →

XXXI

Quei soli che ama pol imaginarse
     Che pena xe lassar un caro ogeto!
     Su quel ponto fatal del destacarse
     4No me volea più star l'anema in peto:

À scomenzà anca Nina a smorta farse,
     E dopo qualche caldo sospireto
     La s'à messo, pianzendo, a lamentarse
     8Del cativo destin del nostro afeto.

Che non è, la tra fora de scarsela
     La so forfeta, e la se tagia via
     11De Cavei 'na Drezzòla intiera e bela.

Tiò, la me dise co una gran passion,
     Porteli adosso per memoria mia.
     14Oh parole! oh regalo! oh division!