Quel zorno me sovien, che ti è vegnua

by Gian Giacomo Mazzolà

3 XCII I cavei de Nina XCI XCIII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XCII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XCI

Edission e fonte ▼

XCIII  →

XCII

Quel zorno me sovien, che ti è vegnua
     In mascara co mi da povarela,
     Co quela ciera palida e svegnua,
     4Tuta sbrindoli el busto e la carpeta.

Quanto incontrava quela to grazieta!
     Quel bel fareto, quel andar da pua!
     E quei to bei Cavei, quanto, Nineta,
     8Parea bon sparsi su la carne nua!

E, oh quanti, che in quel zorno ò sentìo mì,
     In pe de dirte: El Cielo ve proveda,
     11O farte carità, dirte cussì:

Scondève, mascareta, i Cavei d'oro
     Se povara volè che se ve creda.
     14Andè cercando, e ne mostrè un tesoro?