Risorgimento Italiano
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← Peocio refà | Edission e fonte ▼ | El me onomastico → |
Risorgimento Italiano1
Xe belo e assae zentil quel sentimento
che l'a ispirada a butar zo un sermon,
e za, parlando del Risorgimento,
più santa non se trova ispirazion.
Quelo che po me lassa descontento
e che sul cuor me fa bruta impression
xe 'l vèdar che ela el zovene ardimento
la calcola fiachìo. Parchè razon?
Parchè dovaria l'onta i nostri sguardi
tradir, o la vergogna, se 'l destin
n'à fato nàssar, forse, tropo tardi?
Par carità la cambia de opinion,
chè se 'l momento fusse quà viçin,
in cuor gavemo sangue, e sangue bon.
- Note
- ↑ Ad uno che con un sonetto inveiva contro la gioventù di adesso perchè neghittosa ed incapace di un nobile atto.