Sangue de Bacco, oh dura condizion!
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Gò una gran voggia de spiccar un volo | Edission e fonte ▼ | El Cazzo darme in man! Nò, no la tegno → |
Sangue de Bacco, oh dura condizion!
Che xe mai questa, no se puol entrar
Drento la Mona, ch'una scolazion
4S'è sicuri, v'accerto, de portar.
Per mi certo la xe una gran passion,
Che opprime sto mio cuor solo a pensar,
Che quando el Cazzo tira con rason
8No sappiè dove 'l poverin cazzar.
In Culo nò, che là no xe concesso
Per esser un peccà contro Natura,
11Contro 'l voler del Ciel, e anca del Mondo.
Donca cos'hoi da far, diseme adesso?
No xe meggio, che fazza investitura,
14E aver in Culo la Natura, e 'l Tondo.