Santa Ida!

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Gino Cucchetti ― Spiere de Sol!

Santa Ida!

1905

Edission original:	Gino Cucchetti, Spiere de Sol!, Roma, Tipografia Elzeviriana, 1905
Fonte:	Indice:Spiere de Sol.djvu

← A l'Esposizion de Venezia - Mia nonna

Edission e fonte ▼

A la predica →

[p. 11 modifica]

SANTA IDA!

A mia mama per el so
zorno onomastico.

Ecolo, mama, el zorno finalmente
pien de festa, d'amor e d'alegria;
el cuor me se comove, e co' la mente
4no penso che a ti sola, zogia mia!

E de cuor anca un strasso de presente
in sto zorno mi farte te voria,
ma... oh Dio... son proprio in candia... no go gnente
8e no posso strassar che poesia!

Ma ti za ti ga cuor, col cuor averto
a sto' infeliçe e desparà de fio
11ti ghe perdonarà, son squasi çerto;

E mi un baso in sto zorno dolçe e santo
te donarò cussì, corpo de bio:
14nol costa gnanca un soldo... ma 'l val tanto!!

21 Agosto '99