Satira alla Virtù

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Valerio Da Pos

Satira alla virtù

1822

Edission original:	Bartolommeo Gamba, Serie degli scritti impressi in dialetto veneziano, compilata ed illustrata da Bartolommeo Gamba, giuntevi alcune odi di Orazio tradotte da Pietro Bussolin, Venezia, dalla tipografia di Alvisopoli, 1832
Fonte:	Indice:Serie degli scritti impressi in dialetto veneziano.djvu

Edission e fonte ▼

[p. 189 modifica]

SATIRA ALLA VIRTÙ.

    Vertù, ti doveressi
Esser deboto stufa
D'aver sempre processi,
De star sempre in barufa
5Col Vizio, che a ogni costo
Te vol robar el posto.
    Al tribunal dei mati
La vostra lite pende;
El Vizio ha megio pati
10Perchè 'l g'ha bezzi e 'l spende;
El g'ha trope aderenze!
Al certo che 'l la venze!
    E ti, povera sbrisa,
Chi vostu che te assista,
15Se no ti g'ha camisa
O, se ti l'ha, l'è trista?
Tàchete al me consegio,
Mola, che sarà megio.
    Mola, e va su le sfere
20Dove ti xe nassua;
Za qua ti ha perso l'ere,
No ti è più cognussua,
E no ti xe stimada
Per una gazarada.
    25No vedistu, minchiona,
Che 'l Vizio va in carozza
Amà da ogni persona;
E ti, gnanca una rozza

[p. 190 modifica]

Da montar no ti g'ha,
30E sempre a pie ti va?
    No vedistu, gramazza,
Che 'l Vizio è pien de bezzi
E che 'l tripudia e sguazza;
E ti, coi to sempiezzi
35No ti g'ha gnente in man,
E ti xe sempre al can?
    Le dignità e i onori,
Che doverìa esser toi,
Le grazie, i gran favori,
40Li ha solo aseni e boi;
E ti, co le to strazze
Ti va per le scoazze.
    Va là, tel torno a dir,
Sui cardeni lusenti
45El netare a sorbir
Coi to amici e parenti;
Là ti averà trastulo,
Qua tuti te g'ha in culo.