Se avisa el Proto de la Stamperia
|
Edission original: |
Pietro Contarini, Dizionario tascabile delle voci e frasi particolari del dialetto veneziano, preceduto da Cenni sulle denominazioni di molti luoghi della città e delle antiche Venete Magistrature compilato da Pietro Contarini. Edizione seconda notabilmente aumentata, Venezia, Gio. Cecchini, 1850 |
|
Fonte: |
| Edission e fonte ▼ |
Se avisa el proto de la stamperia,
Che dovendo stampar in venezian,
No se deve osservar l’ortografia,
4Come ricerca el bel parlar toscan.
Do P, do T, do R mal staria
In Bepo, fruto, guera, al dir nostran;
Le s’à da radopiar in uzzo e in azzo,
8Come luzzo, nastruzzo, giozza e brazzo.
Anca per no se unir col toscanismo,
Ma seguitar la nostra antica usanza;
Quel che sarìa in le scole un barbarismo,
12Plural e singolar sta in consonanza:
Nel parlar venezian no è sconcordanza
Quei ride, senza far un solecismo;
Quei ridono dirave un da Fiorenza;
16Qua la pratica e l’uso fa sentenza.
La parola cussì con altre tante,
Per levar ogni equivoco ai letori,
Chiama do ss; un solo no è bastante:
20El dirave cusì per i sartori;
Cucite scriveràve un bon cruscante;
Onde, perché no fè miera d’erori,
Un aviso ve dago per scurtarla:
24Se scrive in venezian come se parla.