Se mai s'aldite a dir si caso brutto
Se mai s'aldite a dir si caso brutto
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Che ziova conseiar un martelao? | Edission e fonte ▼ | Si vardo col cervello in tronca fila → |
Se mai s'aldite a dir si caso brutto,
Vignando l'altro dì da le contrae,
Mi gh'era in barca, e cantava in lautto,
Puoco lontan dalle nostre Pallae,
Un zafo mariol, me trete un rutto,
E messe man a sassi, targhe, e spae;
Mi e me defisi, con la cinquedea,
Che sbueliti Tonin mallacrea.