Se mi fusse l'autor della Natura
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Quel Cazzo spietato | Edission e fonte ▼ | Per el più niove mesi gà da star → |
Se mi fusse l'autor della Natura;
Altro, che Donne no vorrìa formar,
E me vorrìa in un Omo trasformar
4Co un Cazzo longo un brazzo de mesura.
El Paradiso lasserìa a drittura
Per vegnir co ste Donne a conversar,
E tutte quante le vorrìa chiavar
8Senz'aver de fenirla mai paura.
Solo a pensarghe un gran gusto mì provo;
E quando, che le prime me stuffasse,
11Ghe ne vorrave fabbricar da niovo.
Gnanca Eunuchi no vorrave, nè Bardasse;
Perchè a custìe no ghe vegnisse el vovo
De far, che qualchedun ghe la licasse,
15O che ghe la menasse,
Perchè mai in gnessun tempo mi vorrìa
Aver da sopportar la zelosìa.
18Un bel Mondo sarìa
De Donne tutte belle, e tutte sane,
Tutte esenti dal mal delle puttane;
21Che alle miserie umane
No le fusse soggette, nè a pissar,
Nè a peti, nè a marchese, nè a cagar;
24Me le vorrìa formar
De bella carnaggion, de bei colori,
E che savesse el Cul da mile odori,
27Come un zardin de fiori
Vorrìa fusse la Mona, e 'l so peletto
Savesse d'acqua nanfa, e da zibetto;
30E quando dal diletto
Le sborasse ste mie manifatture,
Che savesse da bon le sboraure;
33Le Tette sempre dure
Vorrìa, che le ghe stasse, nè le chiappe
No vorrìa mai ghe deventasse fiappe,
36Nè le fasse le rappe,
Vorrave, che le stasse sempre nue,
Come dalle mie man le xe vegnue;
39De gran bone fottue,
E in tante forme ghe vorrave dar,
Quante, che mai podesse mi inventar;
42Le vorrìa sverzenar,
E, quando tutte quante fusse rotte,
Le vorrìa far sparir in t'una notte,
45E far dell'altre Potte,
In summa mi vorrìa, che quelle belle
Tettine, che le gà bianche, e novelle;
48Le fusse le mie stelle,
La panza fusse 'l Sol, e quella bruna
Sfesetta, che le gà, fusse la Luna
51Senza macchia gnessuna;
E quel so bel Culetto in do diviso
53El fosse del mio Cazzo el Paradiso.