Se mi ve fusse arente

by Carlo Goldoni

3 Canzonetta Carlo Goldoni 1750 XVIII Canzonete "Tutte le opere" di Carlo Goldoni; a cura di Giuseppe Ortolani;
volume 13, seconda edizione; collezione: I classici Mondadori;
A. Mondadori editore; Milano, 1955 http://www.liberliber.it/mediateca/libri/g/goldoni/componimenti_poetici/pdf/compon_p.pdf

Da la comedia I due gemelli veneziani, Atto II, Scena 11.

Carlo Goldoni

Canzonetta

1750

Edission original:	"Tutte le opere" di Carlo Goldoni; a cura di Giuseppe Ortolani; volume 13, seconda edizione; collezione: I classici Mondadori; A. Mondadori editore; Milano, 1955
Fonte:	http://www.liberliber.it/mediateca/libri/g/goldoni/componimenti_poetici/pdf/compon_p.pdf

Edission e fonte ▼

Da la comedia I due gemelli veneziani, Atto II, Scena 11.

Se mi ve fusse arente,
Mio caro bel visin,
Voria da quel bochin
Robar qualcossa.
5Se fusse dove sè,
Voria... se m'intendè,
Ma el diavolo no vol
Che far lo possa.
Se fusse in vicinanza
10De vu, caro mio ben,
Voria da quel bel sen
Qualche ristoro.
Za so che me capì.
Voria... disè de sì.
15Lasse che vegna su,
Se no mi muoro.
Mo via, no siè tirana,
No me fe star più qua.
Voria butarme là
20Do orete sole.
Spiegar tutto el mio cuor
Voria... ma gh'ho rossor.
A bon intendidor
Poche parole.