Se xe, che per la Mona è fatto el Cazzo
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Donne credeu, che solo per pissar | Edission e fonte ▼ | Donne, che co volè farve servir → |
Se xe, che per la Mona è fatto el Cazzo,
E per el Cazzo fatta sìa la Mona,
Perchè mai s'hà da dirghe buzarona
4A quella, che in la Mona tiol el Cazzo?
Un pensar questo xe da Visdecazzo
El dir, che no la possa mai la Dona
Farse averzer col Cazzo la so Mona,
8Quando, che per sto fin xe fatto el Cazzo
Per cosa elo creà? Sol per pissar,
O per tegnirlo drento in le braghesse,
11Perchè nol s'abbia mai da doperar?
Un cogion sarìa quel, che la credesse.
El Cazzo xe stà fatto per chiavar
E Camariere, e Dame, e Prencipesse;
15E se qualcun gavesse
Un'idea tanto stramba, e buzarona;
Che 'l Cazzo fasse mal a andar in Mona;
18Mi digo a sta persona,
Che podemo pettarselo sul Culo,
E no provar mai più sto bel trastulo.
21Alfin pò no l'è un mulo
El Cazzo, oppur qualche anema dannada,
Che sia da tutti quanti abbandonada;
24L'è carne battizada,
Xe dell'istessa carne della Mona,
Che in mezzo delle gambe gà la Dona;
27E quella xe parona,
E sora el Cazzo gà jus de comandar,
Perchè l'abbia costù ben da chiavar
30Per poder generar
Qualche ragazzo, o qualche puttella,
Che co xe granda pò tiol la cappella,
33Perchè ella sola è quella,
Che hà sempre conservà, e che mantien
Tutto el Mondo de zente sempre pien,
36Che a nù fà tanto ben;
Però son persuaso solamente,
Che sia questo un pensar de quella zente,
39Che no è bona da gnente,
E de quei, che stravolto gà el cervelo,
E crede de parlar solo per zelo;
42Mi certo col mio Oselo
Voi chiavar zorno, e notte qualche Dona,
E cazzarghelo tutto drento in Mona,
45E goder sta matrona,
Che xe stà messa quà per consolar
Chi gà un bon Cazzo per poder chiavar.