Se xe stà i nostri vecchj cussì boni
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Un Frate m'hà dito | Edission e fonte ▼ | L'è stada in fatti ispirazion divina → |
Se xe stà i nostri vecchj cussì boni
De lassar crescer tanto i Preti, e i Frati,
Che le Chiese xe più dei Magistrati,
4No vorremo esser nù tanto cogioni.
Xe ora d'aver occhio a sti volponi,
Perchè no vaga avanti più i legati,
Zà i Patrimonj xe mezzi desfati
8Per ingrassar sti porchi buzaroni.
Una leze nò solo mi vorrìa,
Ch'a sta zente gnessun più ghe lassasse;
11Ma anca quello, ch'i gà, mi ghe tiorrìa;
Che, chi a fondo la cosa esaminasse,
Vederave, che và l'Opera pìa
14In pacchiar con puttane, e con bardasse.