Semo pronte a mostrar e Culo, e Mona

by Giorgio Baffo

3 Semo pronte a mostrar e Culo, e Mona Raccolta universale delle opere di Giorgio Baffo Tomo I Via buzarone, cos'è sto bordello? Satirico, che fè tanto da bulo Giorgio Baffo 1789 XVIII

poesie

Giorgio Baffo ―  Raccolta universale delle opere di Giorgio Baffo  ―  Tomo I

Semo pronte a mostrar e Culo, e Mona

1789

Edission original:	Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789
Fonte:	Indice:Raccolta universale delle opere di Giorgio Baffo 1.djvu

←  Via buzarone, cos'è sto bordello?

Edission e fonte ▼

Satirico, che fè tanto da bulo  →

RISPOSTA

SONETTO

Semo pronte a mostrar e Culo, e Mona
    Per far veder el netto a quel, che dise,
    Che impestae semo fin alle raise,
    4E che la carne de vacca è poco bona.

L'è un ruffian, una razza buzarona,
    Se accreditar con questo el vuol le sbrise;
    Quà in piazza se alzeremo le Camise,
    8Acciò fazza esperienza ogni persona.

Forestieri tegnì l'occhio a pennello,
    Sappie, ch'ogni Omo adesso fà 'l bardassa,
    11E che hà'l Culo impestà fin al buello;

Ma per timor, che ne chiavassi massa,
    E che nol buzaressi ben anca ello,
    14Trasportà dalla rabbia in nù'l se lassa.