Signora, mo ch'haveu da far con mi
|
Edission original: |
Maffio Venier. Canzoni e sonetti. |
|
Fonte: |
| ← Venieresca XXVII. Te possa vegnir tante maroelle | Edission e fonte ▼ | Venieresca XXIX. Hiersera ti domando da chiavar → |
Signora, mo ch'haveu da far con mi
Che volé che ve compra de i caponi?
Savéu chi fa ste spese? Chi è coioni
E no v'ha praticà za qualche dì.
Voléu dir forsi perché (ve) chiavì
Quel zorno che magnéssimo i maroni?
Mo che no ve donai quattro lironi?
Mo che voléu che ve ne desse pi?
Mi no voio fallir per vu, speranza.
Perché io un pezo ve n'havrò comprà
Sta cosa vu la meteré in usanza?
Vuoi più presto restar de vegnir qua
E de montarve mai più su la panza,
Che per vu sconvegner po star in ca'.