Sior omo generoso

by Carlo Goldoni

3 Canzonetta veneziana Carlo Goldoni 1755 XVIII Canzonete "Tutte le opere" di Carlo Goldoni; a cura di Giuseppe Ortolani;
volume 13, seconda edizione; collezione: I classici Mondadori;
A. Mondadori editore; Milano, 1955 http://www.liberliber.it/mediateca/libri/g/goldoni/componimenti_poetici/pdf/compon_p.pdf

Dal dramma giocoso La diavolessa, Atto II, Scena 10.

Carlo Goldoni

Canzonetta veneziana

1755

Edission original:	"Tutte le opere" di Carlo Goldoni; a cura di Giuseppe Ortolani; volume 13, seconda edizione; collezione: I classici Mondadori; A. Mondadori editore; Milano, 1955
Fonte:	http://www.liberliber.it/mediateca/libri/g/goldoni/componimenti_poetici/pdf/compon_p.pdf

Edission e fonte ▼

Dal dramma giocoso La diavolessa, Atto II, Scena 10.

Sior omo generoso,
El cuor vu me offerì?
Cossa m'importa a mi
De sto regalo?
5Co no gh'avè de meggio
Con mi per farve onor,
Tolè sto mio conseggio,
No stè a parlar d'amor.
Tegnivelo, godevelo,
10Salvevelo, pettevelo,
Sior generoso, el cuor.

El cuor val un tesoro,
Lo so che me dirè,
Ma pochi ghe ne xe
15Che sia sinceri.
No sta in te le parole
El merito maggior:
Ghe xe delle cariole
Che gh'ha un bell'esterior.
20Tegnivelo, godevelo,
Salvevelo, pettevelo,
Che mi no credo al cuor.

La xe una bella prova
Per dir che se vol ben,
25Quando che zo se vien
Coi regaletti.
La xe una cossa equivoca
Sto dir: ve porto amor;
Ma penetra le viscere
30Dell'oro el bel splendor.
Tegnivelo, godevelo,
Salvevelo, pettevelo,
Che no ve vedo el cuor.

No l'è certo interesse
35Quello che parla in mi;
Me fa pensar cussì
L'usanza sola.
Se a vu no se ve crede,
No, no ve fè stupor,
40Ché se cognosse e vede
Dall'opere l'amor.
Tegnivelo, godevelo,
Salvevelo, pettevelo,
Senza le prove, el cuor.