Solo, e pensoso notte, e dì zirando
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Frà le fortune, che ghe xe a sto Mondo | Edission e fonte ▼ | Ghe xe qualcun, che loda → |
Solo, e pensoso notte, e dì zirando
Vago per la Città, nò per onori,
Nò per cattar amici, nè tesori,
4Ma solo per trovar un Culo grando;
Co l'hò trovà vado quà, e là saltando
Dall'allegrezza, come i Cazzadori,
Quando i hà visto d'un bosco trà i orrori
8De poder far un colpo memorando.
Credo, ch'abbia un gran gusto un combattente,
Co l'hà trionfà della nemiga armada,
11Cussì 'l Pilotto, ch'abbia bravamente
La vita soa dal fiero Mar salvada;
Ma sti gusti no credo hà da far gnente
14Col gusto d'una bona buzarada.