Son stà col far sonetti allegramente
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Cosa serve avvenenza, e cosa 'l brìo | Edission e fonte ▼ | Tomo IV → |
Son stà col far sonetti allegramente,
E m'hò tiolto a sto Mondo gran solazzo,
Cussì hò fatto dei fioli colla mente
4Zà, che no li hò podesti far col Cazzo;
Che in questi starò vivo longamente
Me dise el morbinoso gran Mondazzo,
Ma, come no gò idea, che del presente,
8Dell'avvegnir no me n'importa un Cazzo;
Anzi la rabbia me vien sù in pensar,
Che se li goderà più d'una Dona,
11E mi sarò andà a farme buzarar.
Cosa serve, che dopo i me incorona,
E ch'i me fazza anca la Statua alzar,
14Se più no saverò cosa sìa Mona?