Sopra l'incendio accaduto nella contrada di S. Marcuola
Sonetto estemporaneo a rime date
|
Edission original: |
Collezione delle migliori opere scritte in dialetto veneziano, Volume settimo: Il Brigliadoro di Francesco Gritti con altre poesie di autori viventi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 7.djvu |
| Edission e fonte ▼ |
Dove trovar qua xo in sta tera — Pase?
Cossa vol dir son bon, a tuti — Piaso,
Go campagne, go fabriche, go — Case,
Ancuo vesto vigogna, e doman — Raso?
Se quando manco penso, e che in mi — Tase
El sospeto, el timor, oh Dio, che — Caso!
Vedo con mio dolor a tera — Rase
Cinquanta case in un supiar de — Naso.
El fogo a San Marcuola xe — Vegnuo,
E fa che tanti grami no — Voràve
Essere al mondo certo al dì d' — Ancuo.
Se mi avesse da dir, per mi — Diràve,
Che no vorave gnanca esser — Nassuo,
O se nato, esser pomi o peri o — Rave.