Soto a un ritrato de do' putele
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← Disposizion feroviarie! | Edission e fonte ▼ | Vogio xe morto! → |
SOTO A UN RITRATO DE DO' PUTELE
Care, care da Dio! Sè la pusae
come pusai xe do anzoleti in çielo,
e ve incorniza quel viseto belo
4de le drezze, coi bucoli, indorae.
Parè do' colombine inamorae,
do figurete degne de penelo,
e quel soriso sui lavreti, ah! quelo,
8quelo per mi ve lassa insuperae!
E vu stè là, co' quele do testine
tacae l'una co l'altra, quiete e bone,
11coi oci da maciete birichine...
Cussì a vardarve, mi ve magnarìa,
care, care da Dio, che cocolone,
14e più ve vardo, più ve vardaria!...