T'ho cognossù sì gran vacca sfondrà

by Maffio Venier

3 T'ho cognossù sì gran vacca sfondrà (Sonetto LI) Canzoni e sonetti Sonetto L. Se ti ha intention de darme da chiavar Sonetto LII. Daspuò l'haver sette anni spasizao Maffio Venier XVI

soneti

Maffio Venier ―  Canzoni e sonetti

T'ho cognossù sì gran vacca sfondrà (Sonetto LI)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto L. Se ti ha intention de darme da chiavar

Edission e fonte ▼

Sonetto LII. Daspuò l'haver sette anni spasizao  →

T'ho cognossù sì gran vacca sfondrà,
T'ho descoverto cusì gran caìa,
Che, alla fè bona, no te chiavarìa
S'ti me mandassi ben la potta a ca'.

No te pensar che vegna mai pi là,
Che se ghe fosse, vignerave via.
Qualche becco fottù ghe tornarìa,
No made no, che ti no m'havarà.

E m'arrecordo un dì, che te chiavava,
Che se no me tegniva al cavezzal,
Al cospetto de mi, che m'annegava.

Me pij sì gran spàsemo al cotal,
Che se quando fui via no mel sugava,
Ghe vegniva quel dì qualche gran mal,

De sorte e muodo tal
Che quando che fu un puoco revegnù,
E' torsi un libro e sì ghe zurai su

De no me metter più
A sì fatti pericoli de mar,
Se no imparava ben prima a nuar.