Ti
|
Edission original: |
Francesco Dall'Ongaro, Alghe della laguna, Rime vernacole, Firenze, Direzione della Nuova Antologia, 1866 |
|
Fonte: |
| ← Magari! | Edission e fonte ▼ | Vilòte → |
A darte del ti
No fazzo fadiga:
Ma prima che el diga
Nineta, intendessimo,
Cuor mio, fra ti e mi:
6Coss'elo sto ti?
Per darse del ti
No basta de dirlo:
Bisogna sentirlo,
Gustarlo, ripeterlo
De note e de dì....
12Per darse del ti.
Per darse del ti
Ghe vol la laguna,
El chiaro de luna,
La barca che dondola
E dixe de sì....
18Per darse del ti.
Per darse del ti
Bisogna, carina,
Mostrarse bonina,
Negar certi scrupoli...
Nel Missisipì,
24Per darse del ti.
Per darse del ti
Ghe vol quei calori
Che scalda do cuori
E senza la chimica
Li fonde in un mi,
30Per darse del ti.
Intesa cussì,
Capìa la parola,
Mi solo e ti sola
Te prego de dirmelo
In ton de bemì:
36Lo vusto quel ti?
Londra, 1857.