Tramonto

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Attilio Sarfatti ― Rime veneziane ― Libro Terzo

VII. Tramonto

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

← VI. Complimento

Edission e fonte ▼

VIII. El galo e la galina →

[p. 131 modifica]

VII.

TRAMONTO.

Co 'l sol drio l'isole
Cala e se sconde,
Vorave in gondola
4Co' ti zirar.
Co' ti, belisima
Fia d'altre sponde,
La cara e tèpida
8Bava gustar.

Riflessi languidi
Ga la laguna,
Più bela a l'ultimo
12Baso del sol.
Palida, palida,
Vien su la luna,
La dea romantica
16Del barcarol.

[p. 132 modifica]

Lontan le candide
Vele se perde,
Fuma el trabàcolo
20Del mariner,
Che çena plaçido
Su l'aqua verde,
Scordando i triboli
24Del so mistier.

Ne l'aria limpida
De le isolete
Sfuma le linee
28Lontan, lontan......
Palazzi splendidi
L'aqua riflete,
Gloria e delizia
32Del Venezian.

Bianca, contentime.
Ne l'ora queta
Che malinconico
36Tramonta el dì,
Vien, vien in gondola
Col to poeta,
S'el sol va a scondarse,
40Vien fora ti.