Un'onta e una ponta/15
|
Edission original: |
Giovanni Cristofferi, Un'onta e una ponta, Venezia, Pellizzato, 1907 |
|
Fonte: |
Indice:Cristofferi - Un'onta e una ponta, Venezia, Pellizzato, 1907.pdf |
| ← 14 | Edission e fonte ▼ | 16 → |
- 15.
Ecoli là! Sora un tapéo verdon,
tiráe dal mazzo co' una svelta mossa,
vien tre carte; su do, come una cossa
da gnente, i múcia bezzi. L'atenzion
cresse fina ch'el Banco dise: «bon»;
po' i ciama carte o i resta, co' l'angossa
più tremenda aspetando quel che possa
dar, o tor, la fortuna. E in t'un supión
sostanze intiere quela bisca ingióte;
sparisse i múci de cartele e l'oro;
vién rovinà famegie in t'una note;
e, a la matina, palidi, desfáti,
se i va in leto no i trova mai ristoro,
perchè i pensa a refarse in pochi trati.