Un'onta e una ponta/19
|
Edission original: |
Giovanni Cristofferi, Un'onta e una ponta, Venezia, Pellizzato, 1907 |
|
Fonte: |
Indice:Cristofferi - Un'onta e una ponta, Venezia, Pellizzato, 1907.pdf |
| ← 18 | Edission e fonte ▼ | 20 → |
- 19.
Queli de cesa pur no i se somegia
tuti quanti; ghe xe tante ecezion:
la suora; el missionario; el prete bon
che socóre ogni póvara famegia,
conforta i amalai; al ben consegia
l'ozioso, el barufante, l'imbriagon;
l'indúse 'l ladro a far restituzion
e parla sccéto al popolo e a la régia.
Cò se tratava de la libertà,
anca el prete, da vero patrioto,
coi altri la so vita el ga risccià.
Dio, la patria e 'l so prossimo servendo
de tuto cuor, sia l'áteo ch'el divoto
xe giusto che i lo ciama «reverendo»