Un'onta e una ponta/23
|
Edission original: |
Giovanni Cristofferi, Un'onta e una ponta, Venezia, Pellizzato, 1907 |
|
Fonte: |
Indice:Cristofferi - Un'onta e una ponta, Venezia, Pellizzato, 1907.pdf |
| ← 22 | Edission e fonte ▼ | 24 → |
- 23.
Quanti nomi me passa per la mente
de ómeni grandi e veri nobiloni!...:
Leopardi, Alfieri, Mamiani, Capponi,
Sclopis, d'Azelio...; e po', no digo guente
de Cavour...: basta el nome! E de la zente
d'un picolo Ducato zà paroni,
principi arditi e galantomenoni
che in nobiltà nissun Re ghe va arente?
Quà l'aristocrazia ga un posto degno!:
cuor, testa e brazzo un più de l'altro forte
a far de tanti stati un solo regno.
Queli — sfidando e patimenti e morte
pur che l'Italia vada proprio a segno —
de Roma eterna i ga' verto le porte.