Un Frate, che fà fritole a ogn'ora
Un Frate, che fà fritole a ogn'ora
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Laura cosa te par dell'Anzoletta | Edission e fonte ▼ | In fin o Frati, razze buzarone → |
NIOVA ASTUZIA DEI FRATI PER FOTTER.
SONETTO
Un Frate, che fà fritole a ogn'ora,
Và facendo la rionda a' na Puttella
Per metter la luganega in sportella,
4E tirar un Bodin colla farsora.
El fà, che' na Ruffiana ghe laora,
Per frizer ghe tormenta la scarsella
Per barattar in carne la tortella,
8E metter drento quel, che 'l gà de fuora.
Per arrivar la bussola del miel
El furbo dà velen inzuccherà
11A tossegar l'onor, cuogo infedel!
Cussì studia quel Frate desgrazià
Far un ziogo de man, e pò bel bel
14Sporzerghe in pè de frittole salà.