Un Povereto co la barba longa (1817)
|
Edission original: |
Collezione delle migliori opere scritte in dialetto veneziano, Volume undecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 11.djvu |
| Edission e fonte ▼ |
Un Povereto co la barba longa
Una volta xe andà
A pregar un Barbier per carità
Ch'el ghe fazza la barba.
5El Barbier con dispeto
Ga dito al Povereto:
Sentève su quel scagno
Che farò sto vadagno.
Po el ga dito al Garzon:
10Tira fora quel strazzo de fazziol,
Dame un fero ordenario,
Dame el caìn, quelo che xe pontà,
E dame quel saon che xe avanzà.
Sto gran anemalazzo
15L'à presto insaonà,
L'à prencipià a radarlo,
Overo a scortegarlo.
In quel ponto se sente su la strada
Un Can a gola averta
20Che cigava caìn.
Un galantomo che gera in botega:
Coss'è, l'à dito, cossa ga quel Can?
Alora el Povereto
El dise: Ghe scometo
25Che a quel Can un Barbier cortese e pio
Ghe fa la barba per amor de Dio.