Un gran zorno, che xe Venere santo!
Un gran zorno, che xe Venere santo!
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Puttane ancuò xe terminà la festa | Edission e fonte ▼ | Mondo, tirete in là, tirete in drìo → |
EL VENERDÌ SANTO.
SONETTO
Un gran zorno, che xe Venere santo!
Tutto spira tristezza, e tutto orror,
Se leze in fazza ai Omeni el dolor,
4No se sente, che un mesto, e flebil canto.
I relogi no sona più ogni tanto,
Un silenzio ghe xe, che fà terror,
E in ogni Chiesa ghè un Predicator,
8Che fà la zente consumar in pianto.
La sera no ghe xe conversazion,
Che le Donne coverte và per Piazza,
11E i Omeni và tutti in prucission;
Ghè veramente un orrido, che mazza;
Ma quel, che stimo, che per suggizion
14Gnanca se fà chiavar la puttanazza.