Un zorno me voi meter la zornea
Un zorno me voi meter la zornea
|
1557
|
| ← E ho pianzesto, adesso canto, e ballo | Edission e fonte ▼ | Passera solitaria in ti cogoli → |
Un zorno me voi meter la zornea,
E rasonar tutte le mìe rason,
E zapar in tel viso co un zapon,
A chi è senza creanza fango, e chrea.
Medusa è questa, anzi crudel Medea,
Che me tratta da un mello, e da un melon,
E me da un poro in man, per un piron,
Perche ne la mia Idea la tegna Dea,
E si la fronto, ghe voi dir sul fronte
Ingrata sta pur drento le to grote,
Che no vogio to fiabe, che me fiuba.
E certo in la mia mente ho fatto un monte;
E atorno 'l cuor una cheba concuba,
Si ch'al mio pesce, le to rete è rote.