Vìa, caveve dalle Dame

by Giorgio Baffo

3 Vìa, caveve dalle Dame Raccolta universale delle opere di Giorgio Baffo Tomo III Per ordinario Co semo gonzi Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Vìa, caveve dalle Dame

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  Per ordinario

Edission e fonte ▼

Co semo gonzi  →

CONSEGGIA A LASSAR LE DAME.

MADRIGALE

Vìa, caveve dalle Dame,
    Che no vuol cavar la fame
    Alle nostre Aneme grame,
    4Che gà 'l fuogo nel corbame.

Vìa caveve, no secchè,
    Che, per Dìo, no le cucchè,
    S'anca tutti vù gavè
    8I bei anni de Noè;

Perchè, quando le hà zurà
    De no aver mai carità,
    Sarè sempre maltrattà,
    12Quanto più sarè ostinà.

Starè mal, e suso, e in letto
    Pien de rabbia, e de despetto,
    E sarè sempre in bruetto,
    16E in t'un stato maledetto;

E ogni vostro gran tormento,
    E ogni vostro gran lamento
    Sarà sempre un gran contento
    20Per la Dama ogni momento.

Tendè al rosto, lassè 'l fumo,
    E no fè del cuor consumo,
    Che zà a tutte mi presumo
    24Sia compagno quel bel grumo.

Lassè andar la nobiltà,
    La preziosa antichità
    Dell'Amor la vanità,
    28Delle Dame la maestà.

Descantarse alfin bisogna,
    E d'amor sanar la rogna;
    Deventar l'è 'na vergogna
    32Per le Dame una carogna.

Vìa, lassè la vita amara
    Per la Dama fiera, e avara,
    E per far vita più cara
    36Tiolè suso una Tabara.