Vìa, fenìla, sier Cazzo: abbiè giudizio
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Compare el mio Cotal me l'hà ficada | Edission e fonte ▼ | Hò fatto col mio Cazzo 'na scrittura → |
Vìa, fenìla, sier Cazzo: abbiè giudizio,
No fè, che 'l Mondo più ve diga mato,
Zà la vedè anca vù, che no sè in stato
4De seguitar quel maledetto vizio.
Abbiè tutte le Donne in quel servizio,
Lassele andar; perchè cussì de fato
Sparagnerò anca mi qualche ducato,
8E vù starè lontan dal precipizio.
Sto no voler pò alfin mai tralassar,
La xe 'na leze troppo buzarona,
11Che vù abbiè 'l gusto, e mi abbia da pagar.
Sìa belle, o brutte le volè impirar,
E no vardè, quando sè drento in Mona,
Che qualcuna se possa anca ingraviar,
15Dove podè incontrar
De quelle, che pretende far zornada,
E dir, ch'altri, che vù l'avè chiavada,
18S'anca la fusse stada
E fottua, e refottua da tutto'l Mondo;
E 'l danno sarìa mio, mi ve respondo.
21In summa pensè al fondo,
No fè, che più ve fazza correzion,
E 'l recordo mettè in esecuzion;
24Che, se sta bon'azion
Vù me farè, mi posso anca donarve
Un premio, che xe bon da contentarve,
27Cioè co 'na man menarve,
E darve quel piaser, che vù bramè,
Acciò, che siè contento, e che sborè,
30Perchè pò no disè,
Che ve son ingrato, e che no ve procuro
Del ben presente, e anca del futuro.