Vaga dove so andar 'na Drezza bionda

by Gian Giacomo Mazzolà

3 XXII I cavei de Nina XXI XXIII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XXII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XXI

Edission e fonte ▼

XXIII  →

XXII

Vaga dove so andar 'na Drezza bionda,
     E 'l crudo Amor per tuto me compagna,
     Nè ghe xe grota, nè ghe xe montagna,
     4Che da lori me salva, o che me sconda.

Infina ai leti,¹ dove moribonda
     L'umanità bochiza, ansa e se lagna,
     E del suor tuti i cussini bagna
     8Che dal fronte giazzà zoso ghe gronda

Me vien drio sti do barbari tirani,
     E un sempre più crudel, l'altro più forte,
     11I me radopia al cuor le piaghe e i afani.

E no ghe fa paura, ah l'è un gran dir!
     Quei parechi teribili de morte,
     14Che fa tuti, per sbrio, tanto stremir.

---

Note

1. L'Autore esercitava la Medicina.