Venezia e Roma/3
3
|
1892
|
|
Edission original: |
Attilio Sarfatti, Le Rime Veneziane e Il Minuetto, Milano, Fratelli Treves Editori, 1892 |
|
Fonte: |
| ← 2 | Edission e fonte ▼ | 4 → |
3
Quando la sera o a note alta camino,
Solo soleto, col virginia in boca,
Una malinconia che no indovino
4Me vien drio da per tuto e el cuor me tòca.
Scampo lontan se a volte me combino
In compagnie che ciassa o che taroca,
Çerco i loghi più queti e no destino
8Mai de andar dove l'alegrezza fioca.
Coss'èlo mò, Giaçinto, sto curioso
Dente ch'el cuor me rósega, sto dente
11Che no me lassa quasi mai riposo?
Giaçinto mio, Venezia, el gran amor
De la mia vita, me sta sempre in mente,
14Come la dona che m'à tolto el cuor.