Xe 'l to balcon serà!

by Antonio Negri

3 Xe 'l to balcon serà! In gondoleta. Barcarole e rime veneziane Redentor antico Tre terni Antonio Negri 1895 XIX Poesie

Indice:In gondoleta.pdf

Antonio Negri ―  In gondoleta. Barcarole e rime veneziane

Xe 'l to balcon serà!

1895

Edission original:	Antonio Negri, In gondoleta, Barcarole e rime veneziane, Milano, Carlo Aliprandi, 1895
Fonte:	Indice:In gondoleta.pdf

←  Redentor antico

Edission e fonte ▼

Tre terni  →

XE 'L TO BALCON SERÀ!...

---

(PER MUSICA)

---

Xe un zorno malinconico:
     No piove e no gh'è sol....
     Passa su l'aqua, adasio,¹
     4Tasendo, el barcariol.

Pesa su la mia anema
     Gran fiaca² e gran sconforto....
     Se tento de resisterghe,
     8El cuor tase: el par morto!

No penso: par da nebie
     El pensier mio copà....³
     Xe un zorno malinconico,
     12Xe 'l to' balcon serà!...

---

1. adasio = adagio.
2. fiaca = stanchezza.
3. copà = oppresso.