Xe stà causa Tonina

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Giorgio Baffo ― Raccolta universale delle opere di Giorgio Baffo ― Tomo II

Xe stà causa Tonina

1789

Edission original:	Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789
Fonte:	Indice:Raccolta universale delle opere di Giorgio Baffo 2.djvu

← Mondo beccofottù, buzaradazzo

Edission e fonte ▼

Puttana buzarona! Più no posso →

[p. 100 modifica]

SULLO STESSO ARGOMENTO.

CANSONE

Xe stà causa Tonina,
    Che sento sto brusor,
    E questo è un gran dolor,
    4Ch'abbasso sento.

Pianze mio fradello,
    El pianze, e nol par quello
    D'esser stà regalà
    8D'un scolamento.

Per causa de stà Donna
    Me vedo tormentà,
    Per mi no ghè pietà,
    12Che me consola.

[p. 101 modifica]

Sol tiogo polverette,
    Siroppi a scudellette,
    E pò mi bramo sempre
    16Che 'l stìa molà;

E quando, che 'l me tira,
    Mel chiappo sempre in man;
    E 'l tegno, come un can
    20Ligà a caena.

Fazzo fuora i paveri
    Contro 'l mio natural;
    La Potta è sta 'l mio mal
    24Me dà la morte.

Me xe vegnù i cogioni
    Do balle de cannoni;
    Maledetto destin
    28Contro mia sorte.

[p. 102 modifica]

Se sugo sta liscìa
    Me saverò tegnier,
    Certo voi tior Mugier
    32Fuora d'intrigo.

Ma, se la sarà bella,
    El caval del Gonella
    Me la farà servir
    36Un qualche amigo.