Zà che avè curiosità
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Sulla riva d'un fiume spassizzava | Edission e fonte ▼ | Un amigo filosofo alla moda → |
Zà che avè curiosità,
E volè saver chi sìa
Quelle do, che mi ho menà
4L'altra sera all'Ostaria,
Ve 'l dirò, ma con un patto,
Che la resta trà de nù,
Perchè tutto quel, che ho fatto;
8Mi nol digo, se nò a vù.
Una giera la Tonina,
L'altra giera so Cugnada,
Tutte do colla musina
12Rotta in pezzi; e fracassada;
Ma per altro de figura,
E de aspetto assae galante,
Ch'hà bù in don dalla Natura
16Un far nobile, e brillante.
Una è bionda quanto l'oro,
E castagna è la Tonina
Con un occhio cussì moro,
20Che a vederlo el ve rovina.
Tutte do fronte spazioso,
Tutte do gà carne bianca,
Tutte do l'andar maestoso,
24Tutte do la porta franca;
Nò però con un'osella
Se se assolve, o col ducato;
Ma chi vuol la so sportella,
28Do Zecchini è 'l prezzo fato.
E bisogna refilarghe
La prebenda a Siora Mare,
E qualcosa anca donarghe
32Al lustrissimo Sior Pare;
Cussì pur alla massera
Se ghe dona do pittone
Per averzer la portiera,
36E introdur dalle Padrone.
Leze stabile xe fata,
Se andè là, che sia mattina,
D'ordenar la Chioccolata
40Per la Bionda, e la Tonina,
Drìo disnar oppur de sera
El rosolio, e i so sorbetti,
Ma no fà una sorbettìera,
44Ne ve basta sìe cugnetti.
Quattro, cinque, o sìe caffè
Per quei altri, che xe in Casa;
E ben pien un cabarè
48De pandoli, acciò che i tasa.
Quando a questo avè supplìo,
Che xe cosa necessaria
Tutte vezzo, e tutte brìo
52Le ve invida a muar aria,
E un pochetto spassizzando,
Un tantin correndo a forte,
Le ve mena ziogolando
56In un liogo in cao la Corte.
Xe sto liogo un casinetto
Solitario ma spazioso,
Che 'l par fatto a solo oggetto
60D'un diporto lussurioso.
Odorifera fragranza
Nell'ingresso ve consola,
Misto il cedro alla naranza
64Sentì 'l boccolo, e la viola.
De pitture lascivette
Tutto 'l muro xe fornìo,
Quà vedè do belle Tette,
68E là un fianco ben tornìo;
Quà ghè Taide, e là xe Frine
Senza Busto, e Boccassin,
Quà Poppea, là Messaline,
72Che chiavar se fà a passin;
Quà ghè Venere destesa,
Che fà vezzi al caro Adon;
La ghe Diana, che la sfesa
76La ghe sporze al so Endimion.
A vardar tutta sta robba,
Ch'è depenta al natural,
Fegurevem se la gobba
80Se ghe spiana zò al Cotal!
No starave saldo Socrate,
Ve l'attesto in fede mia,
E 'l bon omo de Xenocrate
84Anca lù quà cascaria,
Tanto più, che ste do mate
Le ve stuzega, e ve prega
De palparghe le culate,
88De toccarghe la bottega.
Vardè vù, come mai possa
Co sti vezzi un poverazzo
Far, ch'i umorj no se ingrossa;
92Far, che zoso staga 'l Cazzo.
Mi per mi posso accertarve,
Che 'l gaveva duro in modo,
Sì varente el buzararve
96Che 'l pareva giusto un chiodo.
No podeva più star saldo,
Tutto 'l sangue giera in motto;
Me sentiva un certo caldo,
100Che me fava sborar sotto:
Dalla smania, che provava,
Me son tratto s'un Soffà,
E ve zuro, che pensava
104De morir incogionà.
Co le hà visto ste furbette,
Che star saldo più no posso;
Le hà tirà fuora le Tette,
108Le se m'hà stravaccà addosso,
E molando le braghesse,
E pò dandome un'occhiada,
Me pareva le disesse,
112Chi de nù sarà chiavada?
Oh! quà si, che a far sta scielta
Intrigà son stà per Dio,
Perchè a scieglier la più svelta
116La Tonina stava in drìo;
E tiolendo la Tonina,
Che par Venere a drettura;
No godeva la Biondina,
120Ch'è un'amabile creatura.
Sovvegnù m'è quell'amigo,
Che impegnà tra Mare, e Fìa;
S'hà cavà fuora d'intrigo
124Co una gran galanterìa,
E con mente resoluta
D'una, e l'altra soddisfarla,
L'hà pensà fotter la Puta,
128E la Mare buzararla.
Ma sto lepido esempietto
No m'hà dà gnente de regola,
Perchè mai ho bù diletto
132De saver cosa sìa pegola.
Cosa mai donca faroggio?
Brontolava frà de mì,
Cosa mai resolveroggio?
136Caro Cazzo sciegli tì.
Tutte do le gà el so merito;
Tutte do per mi me puol,
Cazzo degno, e benemerito
140Tiote ti quella ti vuol;
E qual Paride novello
Fà assae meggio, che col pomo,
Che far scielta coll'Osello
144La me par scielta da Omo.
Mi no gò ancora parlà,
Ch'ubbediente in sul momenco
La Tonina l'hà imbroccà,
148Che l'hà parso giusto un vento.
Quel, che insieme s'abbia fatto,
No ve'l posso raccontar,
Basta dirve, che sto matto
152El s'hà bù quasi a negar;
E se mi no l'agiutava,
Tanto el giera inviperìo,
Che piuttosto el se negava,
156Che voler tornar indrio.
Aveu visto un can da toro,
Co alla recchia l'e taccà,
Chiamè, Argante, chiamè, Moro,
160Nol se parte più de là.
Mo fè giusto el vostro conto,
Che cussì fava costù,
El s'aveva tanto sconto,
164Che trovar nol podea più.
Mi co ho visto el so pericolo,
E che 'l stava là ostinà,
L'ho chiappà per un testicolo,
168E per forza l'ho cavà.
La Tonina prediletta
Sul Soffà la xe restada
Giusto come una violetta
172Dal so ramo destaccada
E con viso languidetto
Sospirando a mezza bocca
La gà tiolto un fazzoletto,
176E la s'hà sugà la Cocca;
Anca mi tutto brillante
Con un fiocco, che ghe giera,
Del mio Cazzo ancor fumante
180Sugà ho l'elmo, e la visiera.
E vegnù pò la Biondina
A scherzar sora el successo,
E burlando la Tonina,
184La se m'hà sentà d'appresso.
Cussì tutta la zornada
Scorsa avemo in allegrìa,
E co è stà notte avvanzada.
188Le ho menae all'Ostarìa.
No ve conto per menuo
Con chiarezza, e distinzion
Quel, che dopo è intravegnuo,
192Ma 'l farò in altra occasion.
Per adesso contenteve
De sto poco, che v'ho scritto;
E da Omo regoleve,
196Nè disè quel, che v'ho ditto,
Perchè ghè certe Persone
D'un capriccio sì bisbetico,
Che a parlar de Cazzi, e Mone
200I ve tiol per un eretico,
E siben, che le se dise
Trà persone maridae,
Vedarè certe Marfise
204A restar scandalizae.
Queste quà xe giusto fate,
Come xe tant'altra zente,
Che a toccarghe le culate
208No la xe cosa da gnente;
Ma dir Cazzo discorrendo,
Anca in atto de scherzar,
L'è un delitto cussì orrendo,
212Che le fà fina tremar.
Ma pazienza, che le Done
Voggia far st'affettazion,
Voggia finzerse santone
216Col rosario a picolon,
Ma ghe xe anca dei Omeni
Co sto vizio maledetto,
Che no i tien per galantomeni
220Quei, che parla netto, e schietto.
Ma se a caso co sti peppe
Ghe lassè solo una gatta,
No i xe più el casto Giuseppe,
224E la buzara xe fatta;
E per questo in casa mìa
No ho volesto bacchettoni,
E son stà lontan sìe mìa
228Da sti santi fà cogioni.
Regoleve donca in causa,
Caro amigo benedetto,
E, ve prego, no siè causa,
232Che mi perda el bon concetto,
Perchè 'l Mondo e tutto pien
De ste razze da gallera,
Che no fà un'onza de ben,
236E i vuol esser santi in tera,
E de tutto quel, che ho ditto
No parlè co chì se sìa,
Ma piuttosto sto mio scritto
240Doparelo da drìo vìa.