Zente, che per el Cielo s'hà castrà

by Giorgio Baffo

3 Zente, che per el Cielo s'hà castrà Raccolta universale delle opere di Giorgio Baffo Tomo II Me despiase, per Dìo, Padre Santissimo Sto Papa fà le gran buzararìe Giorgio Baffo 1789 XVIII Poesie

Indice:Raccolta universale delle opere di Giorgio Baffo 2.djvu

Giorgio Baffo ―  Raccolta universale delle opere di Giorgio Baffo  ―  Tomo II

Zente, che per el Cielo s'hà castrà

1789

Edission original:	Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789
Fonte:	Indice:Raccolta universale delle opere di Giorgio Baffo 2.djvu

←  Me despiase, per Dìo, Padre Santissimo

Edission e fonte ▼

Sto Papa fà le gran buzararìe  →

AL MEDESIMO.

SONETTO

Zente, che per el Cielo s'hà castrà,
    E proprio s'hà desfatto da Creature,
    Quando no ne cogiona le Scritture
    4In tutti quanti i tempi ghe n'è stà;

Ma alle Statue, che far no puol peccà,
    Perchè fatte le xe de piere dure,
    A farghe batter vìa quelle fatture
    8La me par una gran bestialità.

Cosa credeu, diseme, Padre santo,
    Ch'i Omeni per questo più no fota?
    11Oh! I fotterà, credelo, tanto, e tanto.

Bisognerìa per far Roma devota,
    E che tutto 'l sborar andasse in pianto,
    14Che le Donne nascesse senza Pota;
                        Ma anca questa ve scota;
Che, se sto caso se podesse dar,
    17Le se farave tutte buzarar.