Zonto Alessandro a la famosa tomba
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Benedeto sia 'l zorno, e 'l mese, e l'anno | Edission e fonte ▼ | O belle man, che m'allegrao el viso → |
Zonto Alessandro a la famosa tomba
De mistro Achille; suspirando disse
O fio, ti a trovà pur bon tromba
4De sier Homero, che cosi ben scrisse.
Ma la mia paura, e tavarà colomba,
Che al mondo mai per lie no si sorisse
In tel grosso mio stil poco rebomba;
8Perche 'l besogneria el parlar d'Ulisse.
O' seu Febo, Mercurio, e vu Orfeo,
Ovidio, Ennio, Verzilio cantaori,
11Davit con la baldosa, e Tolomeo.
Piu che vu ghe darè i vostri favori,
Piu le brigae la mostrerà col deo,
14Digando, va chel te sta ben sti honori.