A 'Lio
|
Edission original: |
Adolfo Gerani, Poesie veneziane, Venezia, C. Ferrari, 1903 |
|
Fonte: |
Indice:Gerani - Poesie veneziane, Venezia, Ferrari, 1903.pdf |
| ← La Tombola in Piazza | Edission e fonte ▼ | A 'na Madoneta → |
Presto, Zanze: vienstu a 'Lido
Tolte drio — l’ombrelin,
Che sto sol co quela blusa
4Nol te brusa — quel visin.
Xelo un caldo? Ma che stua!
Se se sua! — Co calor!
Megio megio sto denaro
8Col tabaro — e 'l rafredor...
Su la Riva dei S’ciavoni,
Ghe xe Toni — to cugnà,
Che ne speta: zo, in malora,
12Che in mez’ora — semo là.
Zo, montemo in Vaporeto,
Che un bagneto — vogio far...
Ciò... çercava... el portafogio...
16Cossa gogio — da comprar?
— «Paste?» - «No.» - «Susini?» «Gnanca.»
«'Na palanca de...» — «Fa ti...»
— «Vustu pomi? vustu fighi?»
20— «Quanti intrighi...» — «Di' de si!
— «'Na dozena de ciopete
Co tre fete — de giambon,
Che sul prà faremo nozze
24Co do bozze — de quel bon?»
— «Cussì si che ti me piasi;
Quà dò basi — ma de cuor!
Se la panza no xe piena,
28Xe 'na pena — far l’amor!...