La Tombola in Piazza
|
Edission original: |
Adolfo Gerani, Poesie veneziane, Venezia, C. Ferrari, 1903 |
|
Fonte: |
Indice:Gerani - Poesie veneziane, Venezia, Ferrari, 1903.pdf |
| ← I colombi de sa' Marco | Edission e fonte ▼ | A 'Lio → |
― «Gàli za fato la Quaderna, Santa?»
― «Ehee! xe un toco. Tasi...» ― «TRENTASETE!»
― «Tombolaaa! ― «Cossa ― «Xe andà in tera un prete...»
― «Ah, digo ben!» ― «Ciò, manco mal!...» — «QUARANTA!»
― Ohe, fioi de cani, no cavè?» ― «I se incanta!»
― «VINTI» ― «Gnente; cartele maledete!»
― «Çinquinaaa!» ― «To, in malora ti e chi mete!..»
― Avanti per la tombola.» ― «NONANTA!»
― (Che suma xela?» ― «Un mièr de franchi.» ― «Boni!
Se li ciapo devento ancora un sior...»
― «NOVE!» ― «Lo gò!...» ― «Per quanti vastu, Toni?»
― «Vado per quatro.» ― «Mi per do. E ti, Amabile?»
― «Per uno!» ― «Cossa?» ― «El qua... me bate el cuor...)
― «QUARANTAÇINQUEEE!» ― «Tombolaaaa!..» «Pagabile!..»