A Zorzi Baffo ghè saltà in pensier
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Senti, Pittor, depenzime 'na Dona | Edission e fonte ▼ | Un'altra bella Donna mi vorrave → |
A Zorzi Baffo ghè saltà in pensier
Da farse desegnar s'un Quadro Venere
Tutta piena el cavel de grazie tenere,
4Che la gabbia d'Amor forza, e poder.
Pittor mio caro; el dise, avè a saver,
Che lussuria per mi xe andada in cenere,
Crescer vorrave far l'umano genere,
8Ma el Cazzo nol vuol far el so mestier.
Famme 'na Donna tutta quanta nua,
E tanto bella fala col pennello,
11Che para, che la voggia 'na fottua.
Famme tirar per carità l'Osello,
Che drento a quella stretta, e calda stua
14El possa star lontan d'ogni bordello.