Un'altra bella Donna mi vorrave
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← A Zorzi Baffo ghè saltà in pensier | Edission e fonte ▼ | Depenzime, Pittor, un bel ragazzo → |
Un'altra bella Donna mi vorrave,
Caro Pittor, che ti me depenzessi,
Ma tanto al natural ti la facessi,
4Ch'ognun disesse; mi la chiaverave.
La mia opinion, a dirtela, sarave,
Che ti la fassi nua trà do cipressi,
Coi occhj dolci, e i denti bianchi, e spessi,
8E rossa, come xe l'erbette rave.
Che s'un parter la fusse destirada,
E un Omo con un Cazzo, che no falla,
11Ghe dasse 'na bonissima chiavada,
Che sto parter el fusse fatto a scalla,
E l'Omo in pìe tegnendola abbrazzada
14El la chiavasse colle gambe in spalla.