A la Feniçe
|
Edission original: |
Adolfo Gerani, Poesie veneziane, Venezia, C. Ferrari, 1903 |
|
Fonte: |
Indice:Gerani - Poesie veneziane, Venezia, Ferrari, 1903.pdf |
| ← Al Goldoni | Edission e fonte ▼ | In smara → |
― «Ada, lo gasto visto mai?» ― «Sì, zioba;
E ti, Ginevra?» ― «Gò sentio l'Amleto,
Ma l'Otelo, no mai.» ― «Ciapa el libreto!
― «Ciò, ma chi xela quela bruta goba?...»
― «Ma quala.» ― «Quela!» ― «A, la contessa Rioba.»
― «Co superbona!» ― «Senti, ciò, el quinteto,
Quando che lu el ghe cata el fazzoleto...»
― «... Ma, zògheli, ciò, a sconderse la roba?»
― «Eco l'ultima sena.» ― «Gò ’na vogia
De dormir...» ― «Sul più belo de l'azion?»
― «Ma perchè mo el la sòfega, sto bogia!»
― «E ciò, perchè la ghe gà fato i corni!...»
― «E, alora el conte, ma el xe tanto bon,
El me sofegarave tuti i zorni!...»