Al Goldoni

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Adolfo Gerani ― Poesie veneziane

Al Goldoni

1903

Edission original:	Adolfo Gerani, Poesie veneziane, Venezia, C. Ferrari, 1903
Fonte:	Indice:Gerani - Poesie veneziane, Venezia, Ferrari, 1903.pdf

← Al Malibran

Edission e fonte ▼

A la Feniçe →

[p. 91 modifica]

XLI.

AL GOLDONI

(IN LOGION)

― «Lo gastu mai sentio, ti Madalena?»
     ― «'Na volta solamente, da putela.
     E ti?» ― «Eheee! tante volte: mia sorela
     Perso per lu la gavarìa la çena.

Ti vedarà quando che 'l vien in sena
     Co la Borisi al fianco, brava e bela.»
     ― «Cossa fáli?» ― «Mia fia.» ― «Mia fia? Ma xela
     De Galina?» ― «Se sa. Varda, co piena!

Va su el sipario.» ― «Zo, lasseme star!»
     ― «Eco Zago!» (S'cich-s'ciach)» ― «Bepi, co grosso!»
     ― «Senti: el xe proprio natural!» ― «Co afar!»

― «Xelo bon?» ― «Più tegnirme, oh Dio, no posso!
     El me fa rider che el me fa s'ciopar...
     Bepi!» ― «Ma tasi.» ― «O Dio, me pisso adosso!...»