Wikisource

A un albaro de pèrsego

<dc:title> A un albaro de persego <dc:creator opt:role="aut">Berto Barbarani</dc:creator> <dc:date>1900</dc:date> <dc:subject>Soneti</dc:subject> <dc:rights><a href="http://creativecommons.org/licenses/by-sa/3.0/deed.it">CC BY-SA 3.0</a></dc:rights> <dc:rights><a href="http://www.gnu.org/copyleft/fdl.html">GFDL</a></dc:rights> <dc:relation>Indice:Berto Barbarani, I due canzonieri, 1917.pdf</dc:relation> <dc:identifier>//vec.wikisource.org/w/index.php?title=A_un_albaro_de_p%C3%A8rsego&oldid=-</dc:identifier> <dc:revisiondatestamp>20210414112451</dc:revisiondatestamp> //vec.wikisource.org/w/index.php?title=A_un_albaro_de_p%C3%A8rsego&oldid=- 20210414112451

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 91 modifica]
A UN ALBARO DE PÈRSEGO.1


     – Bel perseghèto, nato in Campagnola,
quante rosarie pòssito contar?
– De le rosarie mi ghi n'ò una sola...
L'è che nissuni vol lassarme star...

     Le passarine che par aria sgola,
a la matina le me vien becar,
e i fioi de tuti che ha brusà2 la scola,
furia de sassi, i me voria copar.

     Po, vien le spose e queste, sensa colpa,
con quela scusa de voler zugar,
le me pianta i dentini ne la polpa!

     – Bel perseghèto, nato in Campagnola,3
no gh'è de meio de sentirse dar
de i morsegoni4 da una bela fiola!


Note
  1. ↑ pèrsego: pesco
  2. ↑ brusà: nel senso di salare, marinare la scuola
  3. ↑ Campagnola: sobborgo di Verona, quasi tutto coltivato ad ortaglia e frutteto
  4. ↑ morsegoni: morsi.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=A_un_albaro_de_pèrsego&oldid=70511"