Al mondo chi è soldao se fa chiattin

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Maffio Venier ― Canzoni e sonetti

Al mondo chi è soldao se fa chiattin (Sonetto XXXIX)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

← Sonetto XXXVIII. Son amalà qua in letto, e se credesse

Edission e fonte ▼

Sonetto XL. Ho quel serpente della zelosia →

Altra edizion: Protesta di voler bere (1817)

Al mondo chi è soldao se fa chiattin
E abbandona sto mondo traditor,
Così lasso anche mi l'arme e l'amor,
E mi dedico tutto al dio del vin.

Pianzo gramo i miei dì, pianzo quel fin
Che me preposi de virtù e d'honor,
E se l'esser pentìo lava l'error,
Eccome netto co xe un armelin.

Mai mi abbandono el vin, massime el bon,
Mai pi vani pensier m'entra in la mente,
Mai pi m'infetta el cuor l'ambition.

Mondo, i to beni è d'ingannar la zente,
Fatti co è le vesìghe de savon,
Che par sì belle e se resolve in niente.