Protesta di voler bere

by Maffio Venier

3 Protesta di voler bere Maffio Venier XVI Soneti Indice:Poeti antichi del dialetto veneziano 2.djvu Altra edizion: Al mondo chi è soldao se fa chiattin (1993)

Maffio Venier

Protesta di voler bere

XVI secolo

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

Altra edizion: Al mondo chi è soldao se fa chiattin (1993)

PROTESTA DI VOLER BERE

Chi à visto un tal soldà farse chietin
     E abandonar sto mondo traditor?
     Cussì lasso anca mi l'arme e l'amor,
     E me dedico tuto al Dio del vin.

Pianzo, gramo, i mii dì, pianzo anca 'l fin
     Che m'ò proposto de vertù, de onor,
     E se 'l bever pentio lava l'eror
     Mi resto neto co' xe un armelin.

Mai più abandono el vin, massime el bon,
     Mai più vani pensier m'intra in la mente,
     Mai più m'infeta el cuore l'ambizion.

Mondo, i to beni xe da inganar la zente,
     I è fati co' è vessighe de saon,
     Che par sì bele e se resolve in gnente!