Ala stazion

by Attilio Sarfatti

3 XXVII. Ala stazion Rime veneziane Libro Secondo XXVI. El terno de la sonambula XXVIII. El raporto dela guardia noturna Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Secondo

XXVII. Ala stazion

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  XXVI. El terno de la sonambula

Edission e fonte ▼

XXVIII. El raporto dela guardia noturna  →

XXVII.

ALA STAZION

— Vegnì, monsiù, vegnì par qua, monsiù,
Qua la bela gondiol, monsiù, vegnì!
Un franco solo, un franco, vinti sù,
La gondiol per Samarco, qua da mi.

— No go bisogno, no secar, va via;
Che in quatro passi son a casa mia.

— Anca el mio ingrese m'à servìo a un bel uso,
L'è venezian, quel bogia, co' quel muso!